Қазақстанның Халық партиясының өкілдері Көпбейінді облыстық ауруханасының ұжымымен кездесті

14 желтоқсанда Көкшетау қаласында Қазақстан Халық партиясының үгіт тобы Көпбейінді облыстық ауруханасының медицина кызметкерлерімен кездесу өткізді.

Кездесу барысында ҚХП төрағасы, Қазақстан Халық партиясы парламенттік фракциясының жетекшісі, ҚР Парламенті Мәжілісінің депутаты Айқын Қоңыров, Парламент Мәжілісінің депутаттығына кандидат, ҚХП Республикалық сайлауалды штабының басшысы Олжас Сыздықов партия бағдарламасының тезистерін түсіндіріп, медицина мен медицина қызметкерлерінің ағымдағы мәселелерін талқылады.

Сондай-ақ, кездесу аясында медицина қызметкерлеріне әлеуметтік кепілдіктерге баса назар аудара отырып, ҚХП сайлауалды жобасы таныстырылды.