Партиялық бақылау комиссиясы бақылауына алды

Әлеуметтік желіде тараған Көкшетау қаласындағы №14 мектептің күрделі жөндеу жұмыстарының уақытында аяқталмау мәселесіне байланысты арыз-шағымдарды ескере отырып, «AMANAT» партиясының Ақмола облыстық филиалы жанындағы Партиялық бақылау комиссиясы аталған мектепке барып, мән жайды анықтап, бақылауына алды.

Аталған мектептің ғимаратындағы 3 жылға жоспарланған жөндеу жұмыстарын «Севимсталькон» ЖШС-гі жүргізіп жатыр, күрделі жөндеудің жалпы соммасы 750 млн теңге болса, биылғы жылы 350 млн. теңге игерілген. Келісім шарт бойынша жөндеу ағымдағы жылдың 15 қазанында аяқталуы қажет. Дәл қазіргі уақытта есік, терезелер орнатылып, әр қабаттың кафелі салынған. Кабинеттерге линолиум төселіп, электрмонтаждау жұмыстары аяқталған. Спорт залы мен мәжіліс залы дайын. Сонымен қатар, әжетханалар толық жөндеуден өтті. Облыстық партия филиалының Партиялық бақылау комиссиясы жөндеуді толығымен 25 қыркүйекте аяқтауға ұсыныс берді.

Айта кетерлігі, жөндеу жүріп жатқан бұл ғимарат осыған дейін шағын орталық болса, қазіргі уақытта №14 орта мектептің құрамына берілген ғимарат. Жөндеу жұмыстары оқушылардың білім алуына еш кедергі келтірмеуде. Қазіргі уақытта жөндеудің соңғы жұмыстары жасалып жатыр. Бұл мәселе партиялық бақылау комиссиясының қатаң бақылауында.

«AMANAT» партиясы

Ақмола облыстық филиалының баспасөз қызметі.