«Burabaу Summer Fest» фестивалінде ақмолалықтар жүлдегерлер қатарынан табылды

Облыс орталығы Көкшетау қаласында Мәдениет және спорт министрлігінің ұйымдастыруымен мамыр айында «Burabaу Summer Fest» І халықаралық телевизиялық фестивалінің іріктеу кезеңі өткен болатын, деп хабарлайды Ішкі саясат басқармасы.

176 қатысушыдан Ерейментау, Есіл, Зеренді аудандарынан, Астана қаласының дарынды балаларға арналған №2 облыстық мамандандырылған мектеп-интернатынан және Біржан сал атындағы музыкалық колледжінен  18 бала іріктеліп алынған.

Ағымдағы жылдың 3 шілдесінде Астана қаласындағы «Қазақстан» концерт залында  «Burabaу Summer Fest» І халықаралық телевизиялық фестивалінің гала-концерті өтті.

Жарқыраған орындауының нәтижесінде Зеренді ауданынан Аида Әбілқасым және Ерейментау ауданынан Бейбарыс Айтмұғамбетов 3 орын иегерлері атанды.