Продолжая использовать этот сайт, Вы должны согласиться на использование куки

Көкшетауда 48 кәсіпкер су бұру қызметтерін пайдалану үшін екі есе артық төлеуде

Көкшетауда 48 кәсіпкер су бұру қызметтерін пайдалану үшін екі есе артық төлеуде

Ақмола облысы бойынша Сыбайлас жемқорлыққа қарсы қызмет департаменті кәсіпкерлердің су бұру қызметтерін пайдалану үшін артық төлем фактілерін анықтады.

Талдау барысында автоматтандырылған аппараттар арқылы ауыз су сатумен айналысатын Көкшетау қаласының кәсіпкерлері су бұру қызметтерін пайдалану үшін "Көкшетау Су Арнасы" ШЖҚ МКК-не екі есе артық төлейтіні анықталды. Орташа төлем айына 15 мың теңгені құрайды.

Су бұрудың көрсетілген қызметтерінің көлемдерін есептеу әдістемесіне сәйкес, егер бизнес субъектісінде ағынды суларды есептеу құралы орнатылған болса, онда ол осы құрылғының көрсеткіштері бойынша төлейді. Бұл ай сайын 7-8 мың теңге төлеуге мүмкіндік береді, өйткені іс жүзінде аппараттар ағынды сулардың барлық көлемін орталықтандырылған кәріз жүйесіне ағызбайды.

Алайда, монополиялық кәсіпорын су көлемін есептеуді осы таңдаудың құқығы туралы кәсіпкерлерге хабарламады, сәйкесінше олардың ешқайсысы есептегіштерді орнатпады.

Департамент «Көкшетау Су Арнасы» басшылығы мен бизнесмендердің қатысуымен кездесу ұйымдастырды, оның қорытындысы бойынша ауыз су сатушыларға су бұру қызметтері үшін ақы төлеудің құқықтары мен баламалы шарттары ресми түрде түсіндірілді.

Фото: admnvrsk.ru

18:58
253
Нет комментариев. Ваш будет первым!